Start Date: 2013-02-26 08:02:00 to 2013-03-01 18:30:00

Vawiin khan Mizoram hmun hrang hranga Thingpui (tea) chingtute tan Tea Board, Ministry of Industries & Commerce, Government of India leh Mizoram Horticulture Department in an buatsaih ‘Convention of Small Tea Growers of Mizoram’ nihnih awh tur chu Pu S. Hiato, Industry Minister in a hawng a ni. He Convention hmanga thingpui chingtute training pe turin Pu Roy Choudhury, Adviser, Tea Board te, Pu Rakesh Saini, Executive Director, Tea Board te, Dr. Ramesh Baruah, Advisory Officer, Dr. S.C. Baruah, HOD, Assam Agriculture University te, K.C Baishya, Asst. Director, Tea Board leh Dr. S. Samigeahi, Advisory Officer te an lo kal a ni. Tea Board adviser Pu Roy Choudhury chuan Mizoram a thingpui chin te la tam tawk lo mahse aram leilung leh boruak te thingpui that duhna tih hriatchian anih avangin tan la sauh sauh tur leh an mamawh te pawh Tea Board in a ngaihtuah thei a ni tih a sawi a, khawl lian tak thingpuife siamna tur te hman ni lo mahse Home Scale a thingpuife siam te hi mi tam takin an duh zawk tawh a, to pawh a to zawk a ni a ti. He Convention a khualzahawm Pu Rakesh Saini, Executive Director, Tea Board chuan thingpui hi tuchhuan thlenga an rochun theih thlai dam rei thei tak a ni a, kan ram sik leh sa danglam tur ven nan te, ramhmul thing tha tak tak te humhalh nan te a tha in eizawn nana tha tak anih bawk avangin thingpui chin hi zau zawk leh uluk zawk Mizoramah chin ni thei se a duhthu a sawi. Mizoramah Tea Board Office hawn tum a nih thu a sawi bawk. Khuallian Pu S. Hiato chuan he Small Tea Growers Convention ah hian thusawiin Mizoramah thingpui khaw engemawzat in an ching a, eizawn nan hmang tam takin an hman tawh avangin a pawimawh hle a. NLUP Crops zingah pawh telh anih tawh thu a sawi a. Thingpui chingtuten an mahni a thingpuife an siam te uluk tak leh thianghlim leh tui taka siam turin a chah a, thingpui tui leh tui lo te chu a into hleih em avangin Quality tha ber siam tum turin a chah a, tunhma chuan Industry Department hnuaiah thingpui chin hi enkawl thin a ni a, tunah chuan thingpui chingtute duh angin thingpui chin dan technology neitu Horticulture Department hnuaiah dah a nih tak thu te a sawi bawk. He Convention hmanga thingpui chingtute lo kalkhawm pawhin an mamawh thlen theihna tur Tea Board an lo kal chu lawmawm an tih thu a sawi.